İmplant itirilmiş dişin kökünü əvəz edən titan vintdir. Sümüyə yerləşdirilir və qonşu sağlam dişlərə toxunmadan bir və ya bir neçə dişin bərpasına imkan verir. Uzunmüddətli nəticə üçün ən vacib amil implantın düzgün mövqedə və kifayət qədər sümük dəstəyi ilə yerləşdirilməsidir.
Planlama
Müalicə 3D komputer tomoqrafiya ilə başlayır. Sümüyün eni, hündürlüyü və sıxlığı ölçülür, alt çənə siniri və üst çənə sinusunun mövqeyi müəyyən edilir. Zərurət olduqda cərrahi şablon hazırlanır və implant əvvəlcədən planlanmış bucaq altında yerləşdirilir.
Mərhələlər
Standart müalicə dörd mərhələdən ibarətdir:
- Müayinə, KT və fərdi müalicə planının hazırlanması
- İmplantın cərrahi yerləşdirilməsi
- Osseointegrasiya — implantın sümüklə birləşməsi (3–6 ay)
- Sağalma başlığı və protez mərhələsi
Dərhal implantasiya mümkündürmü?
Bəzi hallarda diş çıxarıldığı gün implant həmin yuvaya yerləşdirilə bilər. Bu, ümumi müalicə müddətini qısaldır, lakin yalnız iltihab olmayan və sümük divarları qorunmuş hallarda təhlükəsizdir. Qərar KT nəticəsinə əsasən verilir.
Diş implantasiyası — tez-tez verilən suallar
Diş implantasiyası ağrılı prosedurdurmu?
İmplant qoyulduqdan sonra diş nə vaxt taxılır?
Yaş həddi varmı?
Müraciət
Bu müdaxilənin sizin halınızda göstərişi olub-olmadığını yalnız klinik müayinə və görüntüləmə nəticəsində dəqiqləşdirmək mümkündür. Sualınız varsa, (055) 556 66 66 nömrəsi ilə əlaqə saxlaya və ya WhatsApp vasitəsilə rentgen şəklinizi göndərə bilərsiniz. Qiymətin necə formalaşdığını Qiymətlər səhifəsində oxuya bilərsiniz.