Ortoqnatik cərrahiyyə

Alt və üst çənənin ölçü və mövqe uyğunsuzluğu yalnız estetik problem deyil — çeynəmə, nitq, tənəffüs və oynaq sağlamlığına da təsir edir. Ortoqnatik cərrahiyyə ortodontik müalicə ilə birlikdə çənələri düzgün mövqeyə gətirir.

Hansı hallarda tələb olunur?

Skelet mənşəli uyğunsuzluqlar yalnız braketlə düzəlmir. Cərrahi müdaxilə aşağıdakı hallarda planlanır:

Alt çənənin irəli çıxması (mandibulyar proqnatiya)
Alt çənənin geri qalması (retroqnatiya, «quş çənəsi»)
Açıq dişləmə — ön dişlərin qapanmaması
Üz asimmetriyası və çənə deviasiyası
Yuxu apnesi ilə müşayiət olunan çənə darlığı

Rəqəmsal planlama

Əməliyyat 3D KT və rəqəmsal model üzərində əvvəlcədən simulyasiya edilir. Bu, nəticəni proqnozlaşdırmağa və əməliyyat müddətini qısaltmağa imkan verir.

Bu xidmət üzrə klinik hallar

Alt çənənin geri qalması — ortoqnatik cərrahiyyə. Ön dişlərin qapanmaması, çeynəmə zamanı tez yorulma və profil narahatlığı. Ortodontik müalicə təkbaşına nəticə verməmişdi — problem skelet mənşəli idi. Halın tam təsviri →

Ortoqnatik cərrahiyyə — tez-tez verilən suallar

Ortoqnatik əməliyyatdan sonra çənə bağlanırmı?

Müasir titan lövhə və vintlərlə fiksasiya sayəsində çənələri uzun müddət bağlı saxlamağa ehtiyac qalmır. Əvəzində qısa müddətli elastik istiqamətləndirici rezinlər istifadə olunur və pasiyent erkən mərhələdə yumşaq qidalanmaya keçir.

Sağalma nə qədər çəkir?

İşə və ya təhsilə qayıdış adətən 2–3 həftə sonra mümkün olur. Şişkinliyin əsas hissəsi bir ay ərzində keçir, üzün son forması isə 3–6 ay ərzində oturur. Sümüyün tam bitişməsi 6 həftə çəkir.

Əməliyyat üz görünüşünü nə qədər dəyişir?

Ortoqnatik cərrahiyyə ilk növbədə funksional problemi — dişləmə pozğunluğunu həll edir, lakin çənənin mövqeyi dəyişdiyi üçün profil də nəzərəçarpan dərəcədə dəyişir. Gözlənilən nəticə əməliyyatdan əvvəl 3D modelləmə ilə göstərilir.

Müraciət

Bu müdaxilənin sizin halınızda göstərişi olub-olmadığını yalnız klinik müayinə və görüntüləmə nəticəsində dəqiqləşdirmək mümkündür. Sualınız varsa, (055) 556 66 66 nömrəsi ilə əlaqə saxlaya və ya WhatsApp vasitəsilə rentgen şəklinizi göndərə bilərsiniz. Qiymətin necə formalaşdığını Qiymətlər səhifəsində oxuya bilərsiniz.